ساہیوال بورڈ میٹرک ‘دوسرا سالانہ امتحان’ کے نتائج کا اعلان 18 نومبر کو کرے گا
سربراہان ادارہ جات، اساتذہ اور طلبہ و طالبات اپنانتیجہ بورڈ کی ویب سائٹ سے چیک کر سکتے ہیں۔
بورڈ آف انٹرمیڈیٹ اینڈ سیکنڈری ایجوکیشن ساہیوال کے میٹرک دوسرا سالانہ امتحان 2023 کے نتائج کا اعلان 18 نومبر بروز ہفتہ صبح 10 بجے کیا جائے گا۔ سربراہان ادارہ جات، اساتذہ اور طلبہ و طالبات اپنانتیجہ بورڈ کی ویب سائٹ سے چیک کر سکتے ہیں۔
یہ بات کنٹرولر امتحانات رانا نوید عظمت نے اپنے دفتر سے جاری ایک پریس ریلیز میں بتائی۔ انہوں نے بتایا کہ جن امیدواران کے نتائج بقایا فیس یا دیگر دفتری کوائف پورے نہ کرنے کی وجہ سے رکے ہوئے ہیں وہ اس وقت تک جاری نہیں کئے جائیں گے جب تک وہ اپنے کوائف/واجبات پورے ادا نہیں کر دیتے۔
