ساہیوال بورڈ جماعت نہم کے نتائج کا اعلان 22 اگست کو کرے گا

ساہیوال ( ساہیوال اپڈیٹس – 17 اگست 2023 ) بورڈ آف انٹرمیڈیٹ اینڈ سکینڈری ایجوکیشن ساہیوال میٹرک (جماعت نہم) پہلا سالانہ امتحان 2023 کے نتائج کا اعلان 22 اگست بروز منگل بوقت صبح 10 بجے کرے گا۔

اساتذہ، طلباء و طالبات اپنا رزلٹ بورڈ کی ویب سائٹ www.bisesahiwal.edu.pk سے چیک کر سکتے ہیں۔ یہ بات کنٹرولر امتحانات ڈاکٹر رانا نوید عظمت نے ایک پریس ریلیز میں بتائی۔

انہوں نے بتایا کہ جن امیدواران کے نتائج بقایا فیس یا دیگر دفتری کوائف پورے نہ کرنے کی وجہ سے رکے ہوئے ہیں وہ کوائف، واجبات کی ادائیگی کے بعد جاری ہونگے۔

ساہیوال اپڈیٹس پر مکمل نتائج اپڈیٹ کیے جائیں گے. اس کے علاوہ پوزیشن ہولڈرز کے بارے میں بھی ایک فیچر پبلش ہو گا.